Heimevernet avsluttar vakthald på Mongstad

Sidan oktober har soldatar frå Heimevernet hatt vakt ved Mongstad og ei rekke landanlegg i Noreg.

I dag avsluttar Heimevernet jobben dei har gjort på vegner av politiet.

Framleis ingen truslar mot anlegget

Endringa har ingen praktisk betydning for folk som bur og arbeider i området. Livet på og rundt Mongstad kan halde fram som før.

Trusselnivået har ikkje endra seg, og det er framleis ingen konkrete truslar mot olje- og gassanlegg i Norge.

– Politiet vil halde fram med auka patruljering i tilknyting til utvalte objekt, og Heimevernet kan settast raskt inn att om situasjonen krev det, seier politidirektør Benedicte Bjørnland i ei pressemelding.

Trykk her for å lese heile pressemeldinga frå politiet.

Meld ifrå om mistenkeleg aktivitet 

Politiet oppmodar alle innbyggjarar som oppdagar mistenkeleg aktivitet på  Mongstad om å melde ifrå. 

Du kan ringe lokalt politi på 56 35 56 70 (eller 02800). 

Naudssituasjonar skal varslast som normalt til 112 (politiet), 113 (ambulanse) og 110 (brann).