Skal ta imot 180 nye flyktningar

I 2022 har Alver kommune busett 195 flyktningar, mange av desse har kome frå Ukraina. No har kommunen i første omgang fått spørsmål om å ta imot 180 flyktningar i 2023.

– Eg er stolt over varmen innbyggjarar og tilsette har vist flyktningar som har kome til Alver i år, og ser fram til at vi ta imot fleire flyktningar i 2023, seier ordførar Sara Sekkingstad.

Ho oppmodar innbyggjarar med ledige hus og leilegheiter om å ta kontakt med kommunen. Ho ber også bedrifter som treng arbeidskraft om å melde ifrå til flyktningtenesta til NAV.

Er du flyktning?

Trykk her for å sjå korleis du kan registrere deg, få tilgang til bustad og helsetenester.

Ønskjer du å leige ut bustad?

Trykk her for å sjå korleis du kan melde ifrå om ledig husvære.

Har du arbeid til flyktningar?

Trykk her for å sjå korleis du kjem i kontakt med flyktningtenesta til NAV Alver.