Høyring på reguleringsplan for Alversundbrua
I medhald av plan- og bygningslova § 12-10 har utval for areal, plan og miljø 26.04.23, som sak 055/23, gjort vedtak om å leggja planframlegg ut til offentleg ettersyn.
Vestland fylkeskommune har i samarbeid med Alver kommune utarbeidd detaljreguleringsplan for fv. 565 Alversundbrua. Formålet med planen er å leggje til rette for eit godt vegsystem som gir god framkomst og god tryggleik for alle trafikantgrupper, inkludert gåande og syklande. Ny bru og veg skal ha ei god utforming og leggje til rette for vidareutvikling av tettstaden Alversund.
I planarbeidet skal det takast omsyn til den Indre Farleia, pågåande planarbeid og eksisterande planar i området.
Planframlegget omfattar følgjande dokument:
- Føresegner
- Plankart
- Planomtale
- VA-rammeplan
- ROS-analyse
- Støyvurdering
- Naturmangfaldsrapport
- Kulturhistoriske registreringar
- Trafikkanalyse kryss
- Geoteknisk grunnundersøkingsrapport
- Geoteknisk rapport
- Orienterande miljøteknisk grunnundersøking
- Geologi brufundament
- Skjeringar
- Marinarkeologiske registreringar
- Marine omsyn
- Vurdering av sårbarhet og tåleevne
- Teknisk tegningshefte
- Vegplan ny Alversundbru 2018
- Vedtak
3D-modell med ulike brutypar finn du her: 3D-modell Alversundbrua
Lenke til Alversundbrua si prosjektside hjå fylkeskommunen finn du her: Prosjektside Alversundbrua
Slik kan du komme med innspel
Vi tar direkte kontakt med grunneigarar, berørte naboar, lag og organisasjonar og offentlege instansar.
Du kan kome med innspel i perioden 10.05.23–28.06.2023.
Send innspela dine skriftleg til planforvaltning på:
- e-post til post@alver.kommune.no, eller med
- brev til Alver kommune, postboks 4, 5906 Frekhaug.
Informasjonsmøte og open kontordag
Tysdag 30. mai klokka 1830 inviterer Alver kommune og Vestland fylkeskommune til informasjonsmøte på nye Alversund skule. Møte vert halde i auditoriet.
Dagen etter, onsdag 31. mai, vert det open kontordag i Vestland fylkeskommune sitt lokale på Galteråsen 7 C. Besøkstid på kontoret er klokka 09.00-20.00.
Send melding, eller ta kontakt med planleggingsleiar Ingar Hals for å avtale møtetid.
- E-post: ingar.hals@vlfk.no
- Mobil: 97 47 33 61